Kina ka kryer një provë të një rakete balistike të lëshuar nga nëndetëse në Oqeanin Paqësor, një veprim që ka shkaktuar shqetësim në rajon dhe kritika nga Zelanda e Re dhe Australia.
Sipas Marinës së Ushtrisë Çlirimtare Popullore të Kinës, një nëndetëse kineze lëshoi një raketë drejt ujërave të hapura të Paqësorit, si pjesë e një stërvitjeje të planifikuar vjetore. Autoritetet kineze deklaruan se testimi ishte njoftuar paraprakisht për vendet përkatëse dhe nuk kishte në shënjestër asnjë objektiv specifik.
Megjithatë, Ministri i Jashtëm i Zelandës së Re, Winston Peters, e cilësoi veprimin shqetësues dhe të padëshiruar, duke theksuar se prova është kryer pranë një zone të çmilitarizuar nga armët bërthamore në Paqësorin Jugor.
Kjo zonë është krijuar nga Traktati i Rarotongës dhe synon ndalimin e testeve dhe përdorimit të armëve bërthamore në rajon.
Edhe Australia reagoi ndaj testit, me ministren e jashtme Penny Wong që e përshkroi si “destabilizues për rajonin”, duke vënë në dukje rritjen e shpejtë ushtarake të Kinës dhe mungesën e transparencës mbi programin e saj raketor
Nga ana e saj, Marina e Ushtrisë Çlirimtare Popullore të Kinës deklaroi se prova ishte pjesë e një stërvitjeje rutinë dhe në përputhje me ligjin ndërkombëtar.
Ekspertët theksojnë se Kina po zhvillon në mënyrë të vazhdueshme kapacitetet e saj detare dhe bërthamore, përfshirë nëndetëset me raketa balistike, në kuadër të modernizimit të forcave të saj ushtarake.