Në hapje të sesionit të ri parlamentar, Kryeministri Edi Rama mori fjalën para deputetëve të Kuvendit të Shqipërisë, duke shënuar një moment të rëndësishëm në vijimësinë e legjislaturës së re. Si folësi i parë i këtij sesioni, Rama përcolli një mesazh të qartë për përgjegjësinë institucionale dhe politike që kërkohet në këtë fazë kritike për të ardhmen e Shqipërisë.
Vetëm 25 minuta ka zgjatur seanca e sotme në Kuvend, me 5 minuta pushim në mes për shkak të tensioneve.
Kuvendi u mblodh për diskutuar programin qeverisës të propozuar nga kryetari i Partisë Socialiste dhe Kryeministri Edi Rama. Por, bllokimi i foltores nga opozita shtyu kreun e grupit parlamentar të Partisë Socialiste, Taulant Balla të kërkoi kalimin në votim.
Kryetari i Kuvendit, Niko Peleshi hodhi në votim programin qeverisës dhe përbërjen e Këshillit të ministrave, i cili u miratua me 82 vota pro, ndërkohë që opozita nuk mori pjesë në votim.
Më herët, teksa kryeministri Rama po prezantonte programin qeverisë, deputetët e opozitës tentuan të bllokonin foltoren. Kjo për shkak të fjalim-mesazhit të transmetuar në Kuvend nga ministrja “Diella” për të cilën opozita pretendon se nuk ka mandat.