Qendra Kulturore e Fëmijëve mbrëmjen e djeshme me rastin e 1 qershorit zhvilloi një koncert festiv në sheshin para bashkisë. Artistët e vegjël interpretuan këngë për 1 Qershorin dhe disa kolazhe me këngë të huaja.
Gjithashtu pjesë e koncertit ishin edhe vallet popullore dhe kërcime aerobike të performuara me hijeshi nga fëmijët e Qëndrës Kulturore të Fëmijëve.
Koncerti u ndoq nga fëmijë, prindër, qytetarë të shumtë dhe përfaqësues nga pushteti vendor. Kryetarja e Bashkisë Eriselda Sefa uroi fëmijët “Gëzuar 1 Qershorin”.
