Një 49-vjeçar është arrestuar nga Policia në Mallakastër, pasi dyshohet se ka hyrë në banesën e një 54-vjeçari në Ballsh, e ka kanosur me armë sportive dhe e ka goditur me qytën e saj.
Sipas policisë, denoncimi është bërë nga vetë banori, ndërsa gjatë ndërhyrjes është sekuestruar edhe arma sportive, të cilën 49-vjeçari dyshohet se e posedonte pa leje.
Në njoftimin e policisë thuhet se Specialistët për Hetimin e Krimeve të Komisariatit të Policisë Mallakastër, pas kallëzimit nga një 52-vjeçar, se një shtetas i kishte hyrë në banesë, e kishte kanosur dhe goditur me send të fortë, kanë organizuar punën për kapjen e autorit.
Brenda një kohe të shkurtër pas kallëzimit, u kap dhe u arrestua shtetasi:
-A. T., 49 vjeç, banues në fshatin Panahor, Mallakastër.
Nga veprimet e para hetimore dyshohet se ky shtetas, për motive të dobëta, ka hyrë në banesën e 52-vjeçarit, në Ballsh, e ka kanosur me armë sportive (pistoletë) dhe e ka goditur me qytën e kësaj arme.
Arma sportive u sekuestrua në cilësinë e provës materiale. Materialet procedurale iu referuan së Fierit, për veprat penale “Dhunimi i banesës”, “Prodhimi dhe mbajtja pa leje e armëve të gjuetisë dhe sportive”, “Dëmtime të tjera me dashje” dhe “Kanosja”