Gazetarja Eni Vasili është zgjedhur drejtoreshë e Përgjithshme e Radio Televizionit Shqiptar. Vasili ka arritur të sigurojë 7 vota pro zgjedhjes së saj.
Në votimin e djeshëm asnjë nga kandidatët nuk e mori numrin e nevojshëm të votave për të marrë postin e drejtuesit të RTSH-së.
Votimi i djeshëm:
Eni Vasili 5 Vota
Xhoi Jakaj 2 Vota
Engjëll Musai 2 Vota
Ermal Hoxha 1 Votë
Flamur Buçpapaj 1 Votë
Në votimin e sotëm gara ishte mes tre më të votuarve nga dje, Eni Vasilit, Xhoi Jakajt dhe Ëngjëll Musai. Këshilli i ri Drejtues i Televizionit Publik vendosi më 1 prill të nisë nga e para garën për Drejtorin e Përgjithshëm të Radio Televizionit Shqiptar (RTSH).
Anëtarët e sapozgjedhur të këshillit rrëzuan të gjithë procedurën që ishte hapur më 6 janar, për zgjedhjen e drejtorit, duke e shpallur atë të pavlefshme për shkak të shkeljeve që Kuvendi gjeti në proces. Këto parregullsi ishin një nga arsyet që çuan në shkarkimin e 11 anëtarëve të mëparshëm të bordit drejtues.
