Dy aksidente kanë ndodhur këto dy ditë në Fier.
Një aksident rrugor është regjistruar mëngjesin e kësaj të shtune në Unazën e qytetit të Fierit. Një automjet tip Toyota ka dalë nga rruga dhe është përplasur me murin rrethues të një banese.
Sipas të dhënave paraprake, drejtuesi i mjetit ka humbur kontrollin, duke shkaktuar përplasjen. Ai ka mbetur i lënduar dhe është transportuar në spital, ku po merr ndihmë mjekësore.
Në vendngjarje kanë mbërritur shërbimet e Policisë dhe grupi hetimor, i cili po punon për të përcaktuar shkaqet dhe rrethanat e aksidentit.
Gjithashtu pasditen e djeshme ka ndodhur një tjetër aksident në bypass-in e Fierit, në segmentin “Mbikalimi i Memorialit”.
Një automjet tip “Opel Astra” ka dalë nga rruga, ndërsa drejtuesi ka mbetur i dëmtuar dhe është transportuar në Spitalin Rajonal të Fierit.
Në vendngjarje kanë mbërritur Policia dhe ambulanca.
Grupi hetimor po punon për zbardhjen e rrethanave të aksidentit.