Demokratët do të rikthehen në shtëpinë e tyre. Kështu ështé shprehur Kryetari i PD Fier Ardian Ferro, i cili në një prononcim për mediat ka dhënë detaje në lidhje me procesin i cili sipas tij ka nisur normalisht me pjesëmarrje të lartë duke theksuar se kjo frymë tregon rikthimin në PD të gjithë mbështetësve pavarësisht përçarjeve të mëparshme. Ferro ka pohuar gjithashtu se vihet re rikthimi i besnikëve veçanërisht i mbështetësve të Bashës ç’ka tregon se edhe dega e Fierit do t’i rikthehet normalitetit pas problemeve të shumta veçanërisht pas disfatës të zgjedhjeve të 11 Majit.
Ndërkohë ajo çfarë vihet re në orët e para të votimit të ditës së sotme është prania e besnikëve të Berishës të cilët e shohin figurën e Berishës si embleme të pazëvendësueshme. 72- vjeçari Beqir Shkrela ka marrë rrugën nga Libofsha vetëm për të votuar Sali Berishën.
PD sot nuk është sot ajo që duhej të ishte, për shkak të përçarjeve të mëdha brenda saj, në një kohë kur kjo qeveri e sotme ka marrë plumba hajduterie në të gjitha anët dhe është kritikuar brenda dhe jashtë vendit, u shpreh një ndër themeluesit e degës së PD Fier Fatos Mihali.