U kap në flagrancë dhe u vu në pranga shtetasi Sh. K. (Sh). (S)., 43 vjeç, në operacionin policor të koduar “Adapt”, nga Specialistët për hetimin e Narkotikëve të DVP Fier, mbështetur në informacionet e siguruara nga inteligjenca policore, se një shtetas kishte përshtatur në banesën e tij, një ambient për tharjen e lëndës narkotike cannabis sativa.
Nga kontrollet në banesën e 43-vjeçarit, në fshatin Rreth, të Libofshës, shërbimet e Policisë gjetën rreth 2 kilogramë lëndë të dyshuar narkotike cannabis sativa, në proces tharjeje, lëndë e cila u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprën penale “Prodhimi dhe shitja e narkotikëve”.
