Presidenti i Ukrainës, Volodymyr Zelensky dhe Presidenti i SHBA-së, Donald Trump, patën një takim para funeralit të Papa Françeskut të shtunën. Zelensky ishte shprehur më parë se ai ishte i gatshëm të takohej me Trump ndërsa të dy liderët ishin në Itali, megjithëse Trump më parë nuk do t’u thoshte gazetarëve nëse planifikonte ose jo të fliste me homologun e tij ukrainas në Romë. Dy liderët nuk janë takuar ballë për ballë që nga takimi i nxehtë i Zyrës Ovale të shkurtit, ku lideri amerikan qortoi homologun e tij ukrainas se nuk tregoi mirënjohje të mjaftueshme për mbështetjen amerikane. Sipas Stephen Cheung, Drejtor i Komunikimit i Shtëpisë së Bardhë, Trump dhe Zelensky “u takuan privatisht sot dhe patën një bisedë shumë konstruktive”. Takimi mes Presidenit amerikan dhe Presidentit ukrainas, zgjati 15 minuta në Bazilikën e Shën Pjetrit. Një zëdhënës i Zelenskyt ka bërë me dije se ata ranë dakord që të zhvillojnë një tjetër takim më vonë gjatë ditës për bisedime të mëtejshme.
