Komisioni Qëndror i Zgjedhjeve ka miratuar projektvendimin “Për caktimin e partive politike që do të propozojnë anëtarët dhe sekretarët e Komisioneve të Zonave të Administrimit Zgjedhor, për zgjedhjet për Kuvend të datës 11 maj 2025” ditën e sotme. Partitë politike që do të propozojnë anëtarët e Komisioneve të Zonave të Administrimit Zgjedhor (KZAZ-ve) për zgjedhjet për Kuvend të datës 11 maj 2025 janë ndarë 2 për PS-në dhe 2 për PD-në. Ndërsa 1 anëtar do të propozojë PSD-ja si partia e dytë kryesore e shumicës parlamentare dhe 1 anëtar do ta propozojë PL-ja si partia e dytë kryesore e Opozitës.
Propozimet:
I. Partia Socialiste e Shqipërisë (PSSh), si partia kryesore e shumicës parlamentare, propozon 2 (dy) anëtarë të KZAZ;
2. Partia Socialdemokrate (PSD), si partia e dytë kryesore e shumicës parlamentare, propozon 1 (një) anëtar;
3. Partia Demokratike (PDSH), si partia kryesore e opozitës parlamentare, propozon 2 (dy) anëtarë;
4. Partia e Lirisë (PL), si partia e dytë kryesore e opozitës parlamentare, propozon 1 (një) anëtar.
5. Anëtarin e 7 në KZAZ me numër çift e propozon PS.
6. Sekretari propozohet nga PD në KZAZ me numër çift dhe në ato me numër tek propozohet nga PS.
