Një zjarr i rënë rreth orës 3.45 minuta në ish parkun e mjeteve në Lushnjë ka djegur 4 autobusë të parkuar. Tre prej tyre janë shkrumbuar tërësisht, ndërsa një është djegur pjesërisht dhe është shpëtuar nga ndërhyrja e zjarrfikësve. Në ndihmë për shuarjen e zjarrit që u përhap kanë mbërritur dhe zjarrfikës të Divjakës dhe Fierit. Me urgjencë janë njoftuar drejtuesit e tjerë të autobusëve që kanë hequr mjetet për të mos u përfshirë nga zjarri.
Policia në vendngjarje dhe grupi hetimor mbërritën në vendngjarje dhe zbardhën shkaqet e zjarrit që shkaktoi dëme të mëdha ekonomike.
Policia konfirmon se djegia e autobusëve ishte aksidentale. Kamerat e parkut kanë filmuar momentin e rënies së zjarrit. Në fillim ka marë flakë autobusi në mes dhe më pas flaka është përhapur tek tre autobusët e tjerë.
Parku nuk ka roje, por monitorohet nga kamerat.
