3 operacione policore janë finalizuar në Lushnjë dhe Divjakë, ku u arrestuan 3 shtetas për vepra të ndryshme penale.
Sipas njoftimit të policisë gjatë operacionit të koduar “Holder”, që u zhvillua nga Sektori i Narkotikëve të DVP Fier u arrestua shtetasi K. K., 48 vjeç, banues në Lushnjë, i dyshuar për shitje të lëndëve narkotike, në doza. Gjatë kontrollit fizik dhe kontrollit në banesën e tij, shërbimet e Policisë gjetën dhjetëra doza të lëndës së dyshuar narkotike Kokainë, të cilat u sekuestruan në cilësinë e provës materiale, bashkë me automjetin dhe celularin e këtij shtetasi.
Ndërkohë gjatë operacionit të koduar “Coins”, që u zhvillua gjithashtu nga Komisariati i Policisë Lushnjë, u arrestua shtetasi E. Sh., 52 vjeç, banues në Lushnjë, për veprat penale “Trafikimi i veprave të artit dhe kulturës” dhe “Prodhimi dhe mbajtja pa leje e armëve të gjuetisë dhe sportive”. Gjatë kontrollit në banesën e tij, u gjetën dhe u sekuestruan në cilësinë e provës materiale 32 monedha antike, të dyshuara të trafikuara, dhe 2 armë gjahu, të cilat i posedonte pa leje.
Gjithashtu gjatë operacionit të koduar “Gjurmët”, që u zhvillua nga Komisariati i Policisë Divjakë, u arrestua shtetasi A. P., 23 vjeç, banues në Divjakë. Nga hetimet dyshohet se ky shtetas, më datë 18.11.2026, ka vjedhur një shumë parash në një dyqan në fshatin Fier-Seman, ndërsa më datë 26.07.2026, ka vjedhur një shumë parash në një kabinë plazhi në Divjakë.
Materialet procedurale për këto raste iu referuan Prokurorisë së Fierit, për veprime të mëtejshme
