Aktori i njohur John Travolta është vlerësuar me çmimin nderi “Palma e Artë” në Festivalin e 79-të të Filmit në Cannes Film Festival, duke marrë një surprizë që e la pa fjalë gjatë ceremonisë. Travolta ndodhej në festival për premierën e debutimit të tij si regjisor me filmin “Propeller One-Way Night Coach”, kur organizatorët e festivalit i rezervuan një nderim të veçantë për karrierën e tij të gjatë në kinema.
Pas marrjes së çmimit, aktori publikoi një foto në rrjetet sociale duke mbajtur në duar Palmën e Artë, ku shprehej i emocionuar dhe mirënjohës për vlerësimin. “Nuk jam ndjerë kurrë më krenar për një çmim. Palma e Artë për mua përfaqëson artin në formën e tij më të lartë. Jam shumë i përulur për këtë moment”, shkroi Travolta.
Gjatë ceremonisë, ai u shfaq i prekur dhe deklaroi se nuk e kishte pritur këtë nderim, duke e cilësuar si një surprizë të madhe nga organizatorët. Në fjalën e tij, Travolta falënderoi drejtuesit e festivalit dhe u shpreh se pjesëmarrja në Kanë kishte qenë tashmë një përvojë e veçantë, ndërsa ky vlerësim e bëri edhe më emocionale. Organizatorët e festivalit theksuan se çmimi i jepet për kontributin e tij të gjatë në kinematografi dhe për ndikimin e tij në industrinë e filmit.