Me afrimin e mbarimit të vitit shkollor dhe provimeve të maturës, maturantët vendosen para dilemës se ku duhet ta ndjekin universitetin, brenda apo jashtë vendit. Në shkollën jopublike “Nënshkruesi i Pavarësisë Nebi Sefa” u zhvillua sot debati me temë “Studimet e larta brenda Shqipërisë apo jashtë vendit?” me nxënësit e gjimnazit.
Të ndarë në dy grupe nxënësit argumentuan avantazhet dhe disavantazhet e këtyre dy mundësive. Mësuesja e Gjuhë-Letërsisë Ariola Çraga që së bashku me jurinë ndoqi nga afër debatin u shpreh se aktiviteti ia arriti qellimit.