Ushtroi dhunë ndaj bashkëshortes së tij dhe arrestohet nga Komisariati i Policisë Divjakë në flagrancë shtetasin V. R., 63 vjeç, banues në Divjakë.
Kurse Komisariati i Policisë Lushnjë referoi materialet në Prokurori ku nisi procedimi në gjendje të lirë për shtetasin F. S., 19 vjeç, banues në Lushnjë, pasi ka goditur me grushte, për motive të dobëta, një shtetas 36 vjeç.
Gjithashtu Sektori për Hetimin e Krimeve Kibernetike referoi materialet në Prokurori ku nisi procedimi në gjendje të lirë për shtetasin M. D.(J.), 46 vjeç, banues në Fier, pasi dyshohet se ka hapur një llogari në rrjetet sociale dhe ka publikuar foto të një shtetaseje 50 vjeçe.
Ndërsa Komisariati i Policisë Fier referoi materialet në Prokurori ku nisi procedimi në gjendje të lirë për shtetasit:
-A. S., 63 vjeç, banues në fshatin Cakran, pasi në banesën e tij është konstatuar lidhje e paligjshme energjie elektrike;
-J. B., 45 vjeç, banues në Levan, pasi ka kanosur me një send të fortë, për motive të dobëta, një shtetas 51 vjeç.
Stacioni i Policisë Patos referoi materialet në Prokurori ku nisi procedimi në gjendje të lirë për shtetasit:
-M. B., banues në fshatin Banaj, Patos, pasi duke djegur disa barishte në tokën e tij, zjarri ka dalë jashtë kontrollit duke djegur një sipërfaqe toke të mbjellë me ullinj;
-P. Y., 35 vjeç, banues në Patos, pasi ka ushtruar dhunë ndaj gjyshes së tij.
Materialet procedurale i kaluan Prokurorisë, për veprime të mëtejshme.
[lazy-load-videos-and-sticky-control id=”7AEp1qtro1w”]
