Policia e Vlorës ka zbuluar një sasi armësh zjarri dhe municion në një banesë në Mifol.
Gjatë kontrollit të ushtruar në banesën e tyre, në fshatin Mifol, shërbimet e Policisë gjetën dhe sekuestruan në cilësinë e provës materiale 1 armë zjarri automatike me fishek në fole gati për qitje, 1 krehër me municion, rreth 200 gëzhoja dhe 1 armë të ftohtë (thikë).
Në pranga kanë rënë baba e bir, B. K., 49 vjeç, me precedent penal të mëparshëm për armëmbajtje pa leje; K. K., 21 vjeç, djali i tij, banues të dy në fshatin Mifol.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.