Mëngjesin e së dielës mijëra besimtarë mysliman lushnjarë u mblodhën për faljen e Namazit të Fiter Bajramit, në sheshin para bashkisë duke përfunduar muajin e Ramazanit, muajin e agjërimit, përkushtimit dhe reflektimit shpirtëror.
Falja e Namazit filloi në orën 7:30 dhe drejtohej nga Imami Alban Kuka.
Myftiu i rrethit Lushnjë Gramos Blliku uroi besimtarët për Fitër Bajramin duke theksuar se besimtarët duhet të zbresin nga shkalla e krenarisë në atë të modestisë.
Më pas festa vazhdoi me vizitat në xhaminë e qytetit, ku përfaqësuesit e dy forcave politike PS dhe PD uruan besimtarët për Fitër Bajramin.
