Shën Valentini, është dita kur njerëzit ia shfaqin dashurinë një personi tjetër përmes dhuratave të ndryshme, duke përfshirë dërgimin e kartolinave, luleve apo çokollatave, por këtë arsye shpesh herë e konsiderojnë edhe si një festë komerciale dhe të shtrenjtë.
Me kamerën tonë dolëm sot në qytet që të filmonim çiftet e dashuruar me lule e dhurata në duar, por ndeshëm pensionistë që luanin domino në lulishten e qytetit, qytetarë që nxitonin për të mbaruar punët e tyre të përditshme ose për të bërë një shëtitje e për të pirë një kafe në këtë ditë të bukur me diell dhe shumë pak të dashuruar.
Tregtarët gjithashtu janë të pakënaqur, sepse thonë se nga mungesa e njerëzve kanë rënë shitjet e luleve, kartolinave dhe dhuratave të ndryshme për Shën Valentinin.
Kjo ditë ka marrë emrin nga një shenjtor i famshëm, por ka shumë histori sa i përket asaj se kush ishte ai. Kryesisht besohet se Shën Valentini kishte qenë prift nga Roma gjatë shekullit të tretë.
[lazy-load-videos-and-sticky-control id=”s67O8wtv6MM”]
