Autoritetet kineze dënuan me vdekje dy ish-ministra të Mbrojtjes, të gjetur fajtorë për korrupsion nga një gjykatë vendase. Dy ish-ministrat kinezë të Mbrojtjes, Wei Fenghe dhe Li Shangfu, u dënuan të dy me vdekje, por nëse do të sillen mirë gjatë një periudhe dyvjeçare, dënimi me vdekje mund të zëvendësohet me burgim të përjetshëm, raportoi të enjten media shtetërore kineze Xinhua.
Të dy ish-ministrat u përjashtuan nga Partia Komuniste në pushtet në vitin 2024 për shkelje të rënda të disiplinës, një eufemizëm për korrupsionin.
Një dënim me vdekje me pezullim në Kinë zakonisht shndërrohet në burgim të përjetshëm nëse i dënuari nuk kryen shkelje të tjera gjatë periudhës së pezullimit.