Në lagjen “18 Tetori”, në rrugën hyrëse veriore të qytetit, pranë shkollës jopublike “Nënshkruesi i Pavarësisë Nebi Sefa” mesditën e sotme ndodhi një aksident. Automjeti tip “Wolksvagen” u përplas me një pemë kumbull që janë vendosur për dekoracion në mes të rrugës. Makina po vinte nga Tirana në drejtim të Lushnjës. Shpejtësia e madhe e shoferes ishte shkaktarja e aksidentit që pati vetëm dëme materiale. Policia dhe ambulanca mbërritën në vendngjarje.
Rruga hyrëse veriore e Lushnjës quhet edhe rruga e aksidenteve, sepse siç e kemi thënë edhe në kronilkat e mëparshme, pothuajse çdo muaj ndodh një aksident. Shkak kryesor është shpejtësia e lartë e lëvizjes së automjeteve dhe mungesa e sinjalistikës rrugore vertikale dhe horizontale.
Edhe pse vazhdojnë të ndodhin aksidente që kanë marrë edhe jetë, institucionet përkatëse nuk kanë reaguar. TV 4 plus e ka trajtuar shpesh këtë problematikë dhe apelon për ndërhyrjen e menjëhershme, sepse jeta e çdo personi vlen.
[lazy-load-videos-and-sticky-control id=”kqAy9k_iVeM”]