Prokuroria ka kërkuar 25 vite burg për Florian Rama, i akuzuar për vrasjen e të riut Soufian Mrahë në vitin 2019.
Çështja pritet të shqyrtohet në Gjykata Provinciale e Pontevedrës, ku procesi do të nisë me përzgjedhjen e jurisë dhe më pas me dëshmitë e para.
Sipas prokurorisë, bëhet fjalë për një vrasje me paramendim, për të cilën kërkohet dënimi maksimal.
Ngjarja ka ndodhur në orët e para të mëngjesit jashtë një lokali në zonën e Salceda de Caselas. Sipas dosjes, pas një debati të shkurtër, situata kaloi në dhunë fizike dhe i akuzuari dyshohet se e ka goditur viktimën disa herë me thikë.
I riu, edhe pse i plagosur, tentoi të largohej, por humbi jetën pak më pas nga hemorragjia.
Pas krimit, i dyshuari u largua dhe për një kohë të gjatë iu shmang autoriteteve.
Hetimet çuan në identifikimin e tij në vitin 2022, ndërsa më pas u arrestua në Mbretëria e Bashkuar dhe u ekstradua në Spanjë.
Prokuroria kërkon që, nëse shpallet fajtor, dënimi të vuhet në Spanjë.
Po ashtu, është kërkuar edhe dëbimi i tij për 10 vite pas përfundimit të dënimit, si dhe një dëmshpërblim prej rreth 300 mijë eurosh për familjen e viktimës.
Procesi pritet të vijojë në ditët në vijim me paraqitjen e provave dhe dëshmive të palëve.