Janari ka sjellë një rritje me 50-60 vizita në ditë të pacientëve të vegjël me temperaturë të lartë në Pediatrinë e spitalit në Lushnjë, thotë mjekja pediatre Nirda Xhafa.
Qarkullojnë disa viroza që prekin shumicën e fëmijëve me simptoma si të vjella, diarre, kollë ose hundë të bllokuar, dhimbje fyti etj, por këto simptoma janë të menaxhueshme në shtëpi dhe nuk është e nevojshme të paraqiteni në spital, sqaron ajo.
Mjekja Xhafa apelon për kujdes nëse fëmija shfaq temperaturë të lartë, pasi duhet patjetër konsultë me mjekun e familjes dhe më pas me specialistin në urgjencën e spitalit.
Gjithashtu edhe të rriturit janë prekur nga virozat dhe kërkojnë kujdes të veçantë në këtë periudhë.