Një 30-vjeçare e huaj është gjetur e pajetë në banesën që kishte marrë me qira në rrugën “Gjon Muzaka” në kryeqytet.
Sipas informacioneve policore, trupi është gjetur sot rreth orës 12:55, ndërsa gjatë këqyrjes paraprake të trupit janë konstatuar plagë që dyshohet se janë shkaktuar me thikë.
Trupi i pajetë do t’i nënshtrohet ekspertizës mjekoligjore. Grupi hetimor po punon për identifikimin e viktimës dhe zbardhjen e plotë të ngjarjes.
NJOFTIMI I POLICISË:
Tiranë/Informacion paraprak
Rreth orës 12:55, në rrugën “Gjon Muzaka”, është gjetur pa shenja jete në banesën që kishte marrë me qira, një shtetase (dyshohet e huaj), rreth 30 vjeçe.
Gjatë këqyrjes paraprake të trupit janë konstatuar plagë që dyshohet se janë shkaktuar me mjet prerës.
Trupi i pajetë do t’i nënshtrohet ekspertizës mjekoligjore.
Grupi hetimor po punon për identifikimin e kësaj shtetaseje, sqarimin e rrethanave dhe dokumentimin ligjor të rastit.
