Mbi 5 ton peshk i ngordhur kanë pushtuar brigjet e rezervuarit të Petovës në bashkinë Fier. Era e rëndë ka ndotur zonën përreth ndërkohë që kafshët po ushqehen me peshkun e ngordhur e në këtë mënyrë si pasojë e temperaturave të larta mund të kthehen në burim epidemie.
Banorët pranë rezervuarit nuk flasin për median, por jashtë kamerave thonë se rezervuarin e zotëron bashkëfshatari i tyre i cili e ka marrë me qera për 99 vjet.
Agjensia Rajonale e Ruajtjes së Mjedisit e kontaktuar me telefon në lidhje me këtë problematikë ka pohuar se e dinë problemin, por nuk është kompetencë e tyre sepse këtë kontroll e ushtron Ministria e Mjedisit.
E njëjta përgjigje vjen edhe nga AKU, Drejtoria e Peshkimit dhe Drejtoria e Ruajtjes së Mjedisit në bashkinë Fier.
Ferrik Avdia Drejtor i Bujqësisë në bashkinë Fier ka pohuar se kjo është hera e parë që ndodh një situatë e tillë për shkak të temperaturave të larta e rënia e nivelit të ujit në rezervuar. Janë mbi 5 tonë peshk i ngordhur dhe për këtë katastrofë mjedisore janë vënë në dijeni Ministria e Mbrojtjes Mjedisit, drejtoritë perkatëse, policia dhe i është lënë detyrë personit që ka marr me qera rezervuarin që të nxjerri të gjithë sasinë e peshkut të ngordhur e ta largojë nga rezervuari.
Një situatë e njëjtë ndodhi dy muaj më parë në rezervuarin e Kurjanit në Rroskovec ku tonelata peshku të ngordhur pushtuan anët e rezervuarit e ndotën ambientin. Pas kronikave televizive organet perkatese morën masa për largimin e tij e rikthimin e situatës në normalitet.
[lazy-load-videos-and-sticky-control id=”kZE-ZKPBLyk”]