Prej disa ditësh, në Mynih flitej shumë për një rikthim të mundshëm të Julian Nagelsmann në krye të Bayern, por e përditshmja gjermane Bild ka zbuluar të ardhmen e tij. Nagelsmann nuk do të rikthehet te Bayern Munich, të paktën jo në fund të këtij sezoni, pasi trajneri ka vendosur të zgjas bashkëpunimin me Federatën Gjermane të Futbollit.
Tashmë është zyrtare: Nagelsmann ka rinovuar kontratën e tij me Gjermaninë deri në 2026, pra do të drejtojë ekipin përfaqësues edhe në Botërorin e ardhshëm. Nagelsmann kishte një kontratë deri në përfundim të “Euro2024”, por palët vendosën të zgjasin bashkëpunimin ndërmjet tyre.
