Dy persona u vranë dhe pesë u plagosën pasi një mbikalim i autostradës u shemb në qytetin Cheonan të Koresë së Jugut. Tetë punëtorë u varrosën nën rrënojat, ndërsa ekipet e shpëtimit nxorën dy punëtorët pa ndjenja. Aksidenti ndodhi rreth orës 09:49 kur pesë struktura prej 50 metrash prej çeliku që mbështesin urën u shembën njëra pas tjetrës pasi u vendosën nga një vinç.
Më herët u raportua për tre vdekje, por zjarrfikësja e Koresë së Jugut sqaroi se deri më tani është konfirmuar vdekja e dy personave dhe plagosja e pesë të tjerëve, nga të cilët katër janë në gjendje kritike. Autoritetet janë në kërkim të tre personave të tjerë, të cilët dyshohet se janë shtypur nga mbeturinat e urës.
Rrjeti televiziv i Koresë së Jugut YTN transmetoi pamje dramatike që tregonin një pjesë të urës duke u rrëzuar në një kantier ndërtimi në jug të kryeqytetit Seul. Presidenti në detyrë i Koresë së Jugut Choi Sang-mok ka urdhëruar mobilizimin e të gjithë personelit dhe burimeve të disponueshme për të shpëtuar të zhdukurit dhe për të marrë masa për të parandaluar dëme të mëtejshme.
