Partia Socialiste ka siguruar 12 mandate në Fier, kurse Partia Demokratike me Aleanca për Shqipërinë Madhështore ka siguruar vetëm 4 mandate. Kutitë me votat nga diaspora nuk e ndryshojnë këtë rezultat, pasi diferenca e votave mes PS dhe PD është e lartë.
Zvkryeministrja dhe njëkohësisht drejtuesja politike për qarkun e Fierit Belinda Balluku ka falenderuar elektoratin socialist: Faleminderit me zemër për lumin e votave që dhatë për Partinë Socialiste.
. Shpresoj t’jua shpërblejmë gjithçka me punë dhe përkushtim.
Falenderoj të gjithë trupën që administruan zgjedhjet në Qarkun e Fierit për profesionalizmin dhe gatishmërinë e tyre, pavarësisht orëve të gjata.
Ndërkohë edhe drejtuesi politik i PD Gazmend Bardhi edhe pse në pozitat e humbësit të zgjedhjeve ka falenderuar elektoratin dhe mbështetësit e PD: Një falenderim zemre
Me zemër të thyer se zgjedhjet e 11 Majit nuk ia dolën të shprehin vullnetin real të qytetarëve, dua të falenderoj me përulësi të gjithë ata demokratë dhe mbështetës të opozitës që i besuan votën Partisë Demokratike! Në qarkun e Fierit, ne ishim njerëzit e lirë përballë një bande ministrash dhe drejtorësh të korruptuar, që përdorën shtetin dhe krimin e organizuar për të ruajtur pushtetin!
Ju falenderoj me zemër për qendresën dhe besimin! Një falenderim të veçantë për strukturat e Partisë Demokratike, komisionerët, vëzhguesit dhe numëruesit e palodhur!
Ne do të qendrojmë së bashku të panënshtruar, sepse Shqipëria ka nevojë për njerëz të lirë!
