U zhvillua sot provimi i matematikës i nxënësve të klasave të nënta të arsimit të mesëm të ultë.
Sipas traditës, provimi u zhvillua me shkrim ku testi ishte përgatitur nga qendra përkatëse e Ministrisë së Arsimit.
Testi përmbante pyetje me alternativë dhe me zhvillim
ku prioritet merrnin pyetjet me zhvillim.
Provimi përmbante pyetje duke respektuar kriterin e tre niveleve të nxënesve,niveli i ulët, i mesëm dhe i lartë.
Të pyetur jashtë kamerës nxënesit u shprehën se në përgjithësi pyetjet ishin të një niveli mbi mesatar.
Sipas numrit të nxënësve të klasave të nënta disa klasa jane grupuar për zhvillimin e provimit në një shkollë te zones.
Provimi u zhvillua brenda limiteve kohore ne 2 ore e 30 minuta.
Cdo nxënës ka kodin e tij dhe korrigjuesit në këtë mënyrë i shmangen vlerësimeve subjektive.
Korigjimet e provimeve bëhen në bazë bashkie ku ZA ka përzgjedhur mësuesit më të kualifikuar të matematikës.
Rezultatet e notave të provimit do të jepen pas dy javësh.
Zyra arsimore nëpërmjet drejtorëve të shkollave i dërgon përgjigjet me dokumentacion te rregullt në cdo shkollë.
Provimi u monitorua edhe nga të dërguarit e drejtorisë rajonale të arsimit parauniversitar.
Nga informacioni që morëm nga zyra arsimore, provimi u zhvillua në rregull në mbështetje të udhëzimit të Ministrisë së Arsimit dhe nuk pati problem.
