Një 36-vjeçar nga Kavaja me iniciale J.K, i dënuar me 3 vite e 4 muaj burg për prodhim dhe shitje droge, është arrestuar në Durrës. Ai ishte shpallur në kërkim pas dënimit për veprën penale “Prodhimi dhe shitja e narkotikëve” nga Gjykata e Durrësit.
36-vjeçari u kap nga policia pas informacioneve të siguruara për vendndodhjen e tij.
Njoftimi i plotë:
“I dënuar me 3 vjet e 4 muaj burgim, për prodhim dhe shitje të narkotikëve, kapet dhe vihet në pranga 36-vjeçari i shpallur në kërkim. Specialistët e Seksionit për Hetimin e Narkotikëve të DVP Durrës, si rezultat i veprimeve të shpejta policore të kryera pas sigurimit të informacioneve për vendndodhjen e një shtetasi në kërkim, bënë të mundur lokalizimin, kapjen dhe ndalimin e shtetasit:-J. K., 36 vjeç, banues në Kavajë.
Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës e ka dënuar me 3 vjet e 4 muaj burgim, për veprën penale “Prodhimi dhe shitja e narkotikëve”. Materialet procedurale i kaluan Prokurorisë, për veprime të mëtejshme”.