Një operacion i madh policor u zhvillua në ‘Spreedorfer Strasse’, shumë afër kufirit çek në qytetin gjerman Ebersbach.
Oficerët kontrolluan një ish-ndërtesë tregtare dhe arrestuan tre shqiptarë të moshës 30, 38 dhe 49 vjeç.
U sekuestruan sasi të dyshimta kimikatesh dhe pajisjesh për kultivimin e kanabisit, tha zëdhënësi i policisë Stefan Heiduck.
Personat me sa duket po planifikonin të ngrinin një plantacion marijuane.
Operacioni, i cili filloi në mesnatë, është ende në vazhdim.
Policia po ndihmohet nga departamenti i zjarrfikësve dhe Agjencia Federale për Ndihmë Teknike.