Banorët e Zharrës nuk kanë ujë dhe paguajnë fatura të “kripura”. Kur ankohen përgjigja që u jepet është, “faturat janë në sistem, nuk hiqen. Do paguhen patjetër”.
Banorët e Zharrëzës në Bashkinë Patos furnizohen me ujë jo të pijshëm një orë në ditë. Një pjesë e tyre edhe pse janë shkëputur nga rrjeti, vazhdojnë t’u shkojnë faturat në banesa dhe ata për të mos qënë debitor e bëjnë pagesën por të drejtën e kërkojnë dhe nga ana tjetër asnjë zgjidhje.
Një pjesë e banorëve pohojnë se u kanë zëvendësuar matësat e vjetër me të rinj dhe ata duhet të paguajnë ujin, por edhe për dy vjet, çdo muaj 3 mijë lekë të vjetra për matësat. Problem janë edhe faturat e mbifaturuara që u vijnë të moshuarve të cilët jetojnë vetëm.
Banorët thonë se janë dakord të paguajmë atë që konsumojmë, por jo t’i vjedhin. Ankesat e tyre kanë rënë në vesh të shurdhër.
