Zjarret vazhdojnë të djegin Lushnjën. Mendohet se janë mesatarisht 5 zjarre në ditë që shkaktojnë dëme të konsiderueshme materiale dhe ndotin ajrin.
Një zjarr tjetër ra dje rreth orës 15:00 në aksin rrugor Lushnjë-Rrogozhinë, në fshatin Konjat të Bashkisë Lushnjë dhe dogji 4 magazina me materiale të ndryshme ndërtimi dhe një automjet tip Audi të parkuar në oborrin e banesës. Zjarri i ndihmuar nga era e fortë është përhapur me shpejtësi dhe ka rrezikuar disa shtëpi banimi, pasi flakët janë afruar disa metra nga banesat. Të parët që ndërhyn për fikjen e flakëve ishin banorët deri sa erdhën zjarrfikëset nga Lushnja, Divjaka dhe Fieri të cilat shmangën djegien e banesave të lagjes së kodrës.
Ekspertët e policisë po punojnë për gjetjen e shkaqeve të zjarrit që dyshohet se është aksidentale. Oshe ndërpreu energjinë elektrike, kurse banorët shpëtuan ç’mundën, por dëmet materiale janë të konsiderueshme.