Çmime të paqëndrueshme dhe perime që nuk arrijnë të shiten brenda ditës, është panorama aktuale në tregun e shumicës se fruta- perimeve në Lushnjë.
Fermerë që ankohen për çmimet nën kosto dhe tregtarët që mundohen të blejnë lirë, janë çdo ditë në konkurrence mes tyre. Prodhuesit e domates, specave dhe të kastravecit pohojnë se pavarësisht cilësisë çmimi është nën kosto. Aktualisht një kg domate shitet me shumicë 60-80 lekë/ kg, specat me 30 lekë deri në 120 lekë/kg ndërsa kastraveci me 40 lekë/ kg.
Të pakënaqur nga çmimet, fermerët prodhues pohojnë se konkurrohen nga domatet e importuara nga Turqia dhe Greqia, të cilat shiten më lirë se prodhimi vendas.
Çmimet e perimeve të stinës sipas fermerëve ose janë nen kosto ose janë të barabarta me to. Për prodhuesin e rëndësishme është të arrijnë të shesin të gjithë produktin në të kundërt malli hidhet në plehra.
