Duket se zhvillimet e fundit në Kryesinë e Kuvendit nga ana e opozitës, ka bërë që komisionet të zhvillohen edhe këtë të hënë online.
Sot janë parashikuar që të mbahen 7 komisione, disa prej të cilave po mbahen aktualisht online dhe deri më tani i vetmi komision që do të mbahet në Kryesi është ai për Sigurinë Kombëtare.
Mësohet se në këtë komision, i cili do të mbahet me dyer të mbyllura, do të diskutojë mbi projektbuxhetin e vitit 2024, ku të pranishëm do të jenë përfaqësues të Shërbimit Informativ Shtetëror. Ndërkohë, sot në orën 12:00, Gazment Bardhi thirri në një mbledhje grupin parlamentar, në Kryesinë e Kuvendit.