Të tjera detaje dalin në dritë në lidhje me shqiptarin që u vra në SHBA.
44-vjeçari Francesk Shkambi, është qëlluar për vdekje pranë një restoranti ku punonte si menaxher në SHBA. Mësohet se viktima ishte kushëriri i Elvis Shkambit, autori i vrasjes së gjyqtarit Astrit Kalaja. Kujtojmë se Francesk Shkambi kishte hapur një GoFundMe për ndihmuar të riun që u arrestua për krimin e rëndë.
NGJARJA
Ngjarja ndodhi pak pas orës 9:30 të mbrëmjes më 16 nëntor, ku pas një raportimi për të shtëna me armë, efektivët deklarojnë se gjetën Shkambin të shtrirë në oborr. Bouchard tha se u morën masa për shpëtimin e jetës dhe më pas Shkambi u transportua në një spital të zonës ku edhe ndërroi jetë.
Ai ishte qëlluar me dy plumba, ndërsa të shtënat kanë ardhur sipas dëshmitarëve, pas një konflikti që viktima kishte me një person tjetër.
“Shkambi dhe personi i dyshuar që qëlloi njiheshin me njëri-tjetrin”, thanë autoritetet.
Përafërsisht 20 minuta pas të shtënave, i dyshuari, një burrë 65-vjeçar nga Farmington Hills, u dorëzua në Departamentin e Policisë së Farmington Hills. Ekipi i Kapjes së të Arratisurve i sherifit e mori në paraburgim pa incidente.
Nuk besohet se kjo është e lidhur me dënimin e Shkambit më shumë se një dekadë më parë për një akuzë federale për konspiracion për posedim me qëllim shpërndarjen e drogave të paligjshme.