Një 41-vjeçar nga Kosova është procerduar, pasi ka tentuar të kalonte në Pikën Kufitare të Morinës një shumë parash të padeklaruara. Sipas policisë 41-vjeçarit iu gjet me vete shuma prej 13.420 eurosh, të cilat u sekuestruan në cilësinë e provës materiale. Gjithashtu materialet procedurale i kaluan Prokurorisë për veprime të mëtejshme.
Njoftimi:
Specialistët për Hetimin e Krimeve të Policisë Kufitare referuan materialet në Prokurori, ku nisi procedimi në gjendje të lirë për shtetasin kosovar V. Z., 41 vjeç, banues në Kosovë, për veprën penale “Mosdeklarimi në kufi i të hollave dhe i sendeve me vlerë”.
Procedimi penal për këtë shtetas nisi pasi në hyrje të RSh-së, gjatë kontrollit fizik shtetasit V. Z., shërbimet e Policisë i gjetën 13 420 euro, të cilat nuk i deklaroi konform ligjeve në fuqi. Paratë u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.