Policia e Lushnjës arrestoi një 56-vjeçar i cili kishte përshtatur lokalin e tij, në lagjen “Kongresi”, për vënie bastesh, me celularë.
Gjithashtu në pranga dhe 1 shtetas, si dhe në hetim 2 të tjerë, të cilët u kapën duke vënë baste, në ambientet e këtij lokali.
Si rezultat i kontrolleve në lokale dhe ambiente të tjera, ku në bazë të informacioneve të siguruara nga inteligjenca policore, dyshohej se organizoheshin lojëra fati, në kundërshtim me ligjin, Komisariati i Policisë Lushnjë arrestoi shtetasitme iniciale F. T., 56 vjeç, V. P., 56 vjeç, si dhe referoi materialet në Prokurori, ku nisi procedimi në gjendje të lirë për shtetasit me iniciale A. S., A. H., 59 vjeç dhe A. M., 42 vjeç.
Shtetasi A. M. u kap në lokalin e tij, në lagjen “Savër”, duke vënë baste sportive me celular. Me qëllim pengimin e zbulimit të së vërtetës së këtij rasti, 42-vjeçari sapo ka parë shërbimet e Policisë, ka hedhur celularin ku kishte aktive, faqen online të basteve. Pajisja u gjet dhe u sekuestrua nga shërbimet e Policisë.
Sekuestrohen 6 celularë në prove materiale.
4 shtetasit e tjerë u kapën në lokalin e shtetasit F. T., në lagjen “Kongresi”, duke kryer të njëjtën veprimtari të kundërligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.