Kreu i Partisë Demokratike Sali Berisha po flet për mediat pas daljes nga SPAK.
I pyetur nga gazetarët në lidhje me mos praninë në seancën e parë për “Partizanin” Berisha u shpreh se nuk kishte marrë një njoftim zyrtar.
Megjithatë ka sqaruar se nuk ka qenë kjo arsyeja e mors marrjes pjesë. E vërteta sipas tij është sepse ishte jashtë vendit në një udhëtim.
“Njoftim zyrtar siç duhet nuk kisha marrë por nuk ishte ajo arsyeja, arsyeja ishte që isha në një udhëtim”, tha ai.
Ndërkohë në lidhje me seancën e 21 korrikut, Berisha është shprehur se nuk ka marrë ende një shkresë zyrtare, por se nuk mund të thotë se nuk ka dijeni, pasi lajmi për shtyrjen e seancës është dhënë gjerësisht në media.
“Unë njoftim zyrtar, siç duhet, nuk kisha marrë, por nuk ishte ajo arsyeja.
Arsyeja ishte se, unë isha në një udhëtim, siç mund ta keni marrë vesh.
Por, e vërteta është se, njoftimi zyrtar nuk kishte ardhur.
Unë iu kam dhënë një përgjigje, mos përsërisni pyetjet.
Janë avoketërit e mi ata të cilët përcaktojnë vendimet.
Unë gjer tani njoftim zyrtar nuk kam marrë, por unë nuk mund të them se nuk kam marrë, se ajo është dhënë në media që është shtyrë gjyqi për datën 21.
Por, shkresë nuk kam marrë”, tha ai.
