Në një postim në Facebook, kryeministri Edi Rama bën me dije se UNESCO ka dhënë rekomandimin zyrtar për përfshirjen e Luginës së Vjosës në programin “Njeriu dhe Biosfera” dhe shpalljen e saj si zonë me vlerë botërore natyrore.
Programi Njeriu dhe Biosfera është një program shkencor ndërqeveritar që synon të krijojë një bazë shkencore për përmirësimin e marrëdhënies midis njerëzve dhe mjedisit të tyre. Qëllimi i këtij programi është mbrojtja e ekositemeve natyrore të menaxhuara duke promovuar dhe zhvillimin ekonomik.
