Në letrën e lobimit, të përgatitur nga kompania “Continental Strategy”, ku kërkohet heqja e shpalljes “non grata” për ish-kryeministrin Sali Berisha.
Dokumenti, i regjistruar zyrtarisht pranë Njësisë së Regjistrimit të FARA më 24 korrik 2025, pretendon se vendimi i Departamentit të Shtetit për të shpallur Berishën të papranueshëm për në SHBA është i pabazuar, politik dhe i motivuar ideologjikisht.
Në raport thuhet se akuza për korrupsion ndaj Berishës është mbështetur në thashetheme të përcjella nga ambasada amerikane në Tiranë, pa asnjë provë konkrete.
Sipas dokumentit, ish-diplomati amerikan Jonathan Moore citon se “sanksionet janë vendosur pa asnjë evidencë, vetëm mbi bazë zërash”.
Lobimi shkon më tej, duke pretenduar se qeveria e Edi Ramës ka lidhje me rrjete kriminale ndërkombëtare, përfshirë kartelin e Sinaloas në Meksikë, ndërkohë që Berisha portretizohet si një lider historikisht pro-amerikan, pa asnjë precedent penal.
Raporti kërkon që Sekretari i Shtetit Marco Rubio ta anulojë vendimin e paraardhësit të tij Antony Blinken, duke argumentuar se kjo do të ishte në përputhje me interesin kombëtar amerikan dhe me axhendën e administratës Trump për të “ndalur politizimin e sanksioneve”.
Kompania lobuese ngre gjithashtu akuza ndaj USAID dhe rrjeteve të financuara nga George Soros, duke pretenduar se reforma në drejtësi është përdorur si “armë politike” kundër opozitës në Shqipëri.