Mblidhet sot Kryesia e Berishës. Njoftimin për takimin në fjalë u bë ditën e djeshme, ndërkohë që mbledhja është parashikuar që të nisë në orën 12:00.
Berisha u shpreh se opozitës në vend sot po i shkelen te drejtat dhe se kurrë ndonjëherë, nuk ka ekzistuar një opozitë parlamentare e bllokuar si opozita parlamentare e Shqipërisë.
“Kurrë ndonjëherë, nuk ka ekzistuar një opozitë parlamentare e bllokuar si opozita parlamentare e Shqipërisë. Opozitë e cila si një armike nuk i jepen dokumentet nga ministritë dhe agjencitë për të përmbushur qëllimet e saj. Opozitë së cilës i shkelet e drejta kushtetuese për ngritjen e komisioneve hetimore”, u shpreh ai mes të tjerash.
Ndërkohë, të premten Berisha do të mbledhë Këshillin Kombëtar. Në fokus të takimit të sotëm të demokratëve, do të jenë zhvillimet e fundit politike në vend, si dhe hapat që do të ndërmerren në vazhdim.
Ende nuk dihet nëse do ketë diskutime mbi akuzën për korrupsion ndaj Berishës lidhur me privatizimin e ish-kompleksit “Partizani”.