Sekretari i Përgjithshëm i PD, Gazment Bardhi akuzon kryebashkiaken e Roskovecit, Majlinda Bufi për tendera korruptivë.
Bardhi shkruan në një postim në rrjetet sociale se Bufi ka bërë një tender për karikimin e makinave elektrike, me vlerë miliona euro, që nuk është në dobi të asnjë qytetari, sepse mungojnë në qytet makinat elektrike.
Drejtuesi Politik i qarkut Fier shprehet se SPAK nuk duhet të heshtë, por të hetojë kryebashkiaken e Roskovecit.
Reagimi
Një zyrtar që nuk ka memorie për firmat e hedhura, ka shumë për të fshehur. Është rasti që SPAK-u t’i kthejë memorien kryetares së Bashksië së Roskovecit Majlinda Bufi për disa tendera “elektrizues”. Nëse ajo s’mban mend pse tenderat e saj kushtojnë shumëfish dhe s’i shërbejnë qytetit, është mirë që SPAK të mos heshtë! Korrupsioni lulëzon atje ku drejtësia mungon!
