Mungesë mjetesh zjarrfikëse, rritje pagash, vendosje hidrantesh, kanë qënë disa nga kërkesat e shefave të reparteve zjarrfikëse të bashkive të qarkut Fier në takimin e organizuar paraditen e sotme në Prefekturën e këtij qarku me fokus situatën e zjarreve, ku morën pjesë të gjithë drejtuesit e reparteve zjarfikëse të gjashtë bashkive të qarkut, përfaqësues të Drejtorisë Vendore të Policisë, si dhe këshilltari i Ministrit të Brenshsëm Flamur Mamaj.
Në një pronocim për mediat, Prefekti i qarkut Fier Arben Çuko ka pohuar se krahas punës së mirë të bërë në fikjen e zjarreve nga efektivët zjarrfikës të qarkut Fier, problematikë madhore mbetet mungesa e mjeteve, veçanërisht në bashkinë e Mallakastrës, e cila ka terren të thyer dhe shtrirje të gjerë gjeografike, por dhe mungesa e hidrantëve në qytete apo zonat e banuara.
Këshilltari i Ministrit të Brendshëm, Flamur Mamaj, theksoi rëndësinë e bashkëpunimit të ngushtë ndërmjet institucioneve, për të garantuar një reagim të shpejtë dhe efikas ndaj situatave të rrezikshme. Një pjesë e zjarreve kanë qënë të qëllimshme ndaj po punohet fort në drejtim të identifikimit dhe ndëshkimit të piromanëve.
Mamaj ka vlerësuar gjithashtu edhe ndërhyrjen e banorëve në vatrat e rrezikshme, të cilët i janë bashkuar aksioneve për shuarjen e flakëve ndërkohë që ka shuar zërat për zjarrvënie me qëllim ndërtimin e paneleve fotovoltaike veçanërisht në jug të vendit.