Një prezantim krejt ndryshe kanë zgjedhur maturantët e degës së pikturës të shkolles artistike “Jakov Xoxa “në Fier. Rreth 90 piktura te realizuara në teknika të ndryshme dhe fotografi janë prezantuar për herë të parë para publikut fierak. Sipas Drejtorit të shkollës Andi Bakiu, kjo eshtë nje risi në vecanti për diplomantët e degës së pikturës që ballafaqohen për herë të parë me publikun.
Ky prezantim por edhe punët e arrira të nxënësve kanë ngjallur mjaft emocione edhe tek profesorët e degës së pikturës që kanë qenë pranë krijuesve të rinj gjatë viteve të shkollës.
Ndërkohe vetë nxënësit kanë përjetuar emocionet e ballafaqimit me një publik më të gjerë si edhe praninë e miqve dhe familjarëve.
Shkolla artistike “Jakov Xoxa “në Fier vijon traditën duke përgatitur artistë të rinj në degët muzikë, pikturë dhe fotografi.
