Fermerët e zonës së Frakullës kanë kundërshtuar urdhërin e Kryemistrtrit Rama për lirimin e hapësirave anës autostradave deri në 20 metra larg. I kemi ndërtuar 15 metra larg thonë ata dhe i kemi tenda provizore, sezonale në tokat tona.
Me këto tenda ushqehemi, shesim prodhimet tona tek tregtarët që vijnë nga jugu, kemi numër nipti, dhe prodhinet i kemi tonat.
Qeveria nuk na ka shpronësuar me tokat që na mori për ndërtimin e austostradës, nuk ka ndërtuar rrugë dytësore , çfarë kërkon më?! Të plotësojnë këto kushte e jemi dakort, thotë i indinjuar fermeri Sefer Fera.
Ndërkohë për blerësin mirditor Marjan Lleshaj, ky vendim tejkalon çdo limit. Në Greqi nuk i ndalon askush thotë ai.
Fermerët kanë protestuar njëzëri ndaj urdhrit të Kryeministrit Rama, pas njoftimit që u është bërë paraditen e sotme nga përfaqësues të IKMT – së , të cilët kanë lajmëruar çdo tregtar që të largojnë tendat 20 metra larg autosradës.