Çmimi i ulët i trangullit dhe domates është kthyer në shqetësimin më madhor për fermerët e Sukut dhe Samaticës. Sipas tyre kjo situatë i ka vënë në vështirësi serioze, pasi çmimi i ulët nuk arrin të mbulojë dot as kostot e shpenzimeve të mëdha.
Ata thonë se aktualisht domatja po shitet me 40 lekë për kg ndërkohë që në vende të tjera tek fermeri po shitet 100 – 120 lekë teksa theksojnë se trangulli në këtë periudhë po dorëzohet pa çmim pasi vlera eshte mjaft e ulët. Sipas prodhuesve kjo është lojë e përsëritur e grumbulluesve dhe këmbëngulin se në këtë situatë nderhyrja e ministrive të linjës është jetike në mënyrë që prodhimi të vlerësohet dhe të shkojë për eksport. Fermeret shprehen gjithashtu se malli i tyre shkon në Gjermani e kudo në Europë dhe plotëson të gjitha kriteret e cilësisë së lartë.
Në zonë ka edhe fermerë që kanë lënë emigrimin per të investuar në bujqësi në vendin e tyre por mungesa e vëmëndjes nga shteti dhe problemet me të cilat po përballen i kanë demoralizuar së tepërmi.
Siperfaqet e mëdha me sera në zonë luajnë një rol parësor në ekonominë e fermerëve.
[lazy-load-videos-and-sticky-control id=”Egraeig6eH0″]