Nxënësja ekselente Fatma Maila e cila mbaroi gjimnazin në shkollën jopublike “Nënshkruesi i Pavarësisë Nebi Sefa” u dekorua me “Medalje të Artë” së bashku me 189 nxënës të tjerë nga i gjithë vendi për arritjen e rezultateve të shkëlqyera në mësime në gjimnaz dhe maturë.
Ministrja e Arsimit Mirela Kumbaro dhe Kryeministri Edi Rama dekoruan me“Medalje të Artë” 190 nxënësit ekselentë në ceremoninë tradicionale që u mbajt tek Kryeministria. Në këtë ceremoni Ministrja Kumbaro uroi nxënësit për arritjet e shkëlqyera në mësime dhe lexoi disa fragmente nga letra “Bija ime” e shkrimtares Maja Anxhelos.
Kryeministri Rama u shpreh se ky rezultat dhe ky sukses janë shembuj frymëzues për shoqërinë dhe brezin tuaj dhe për mua personalisht se na nxisin të vazhdojmë më tutje.