Prindërit dhe gjyshi i vajzës 4-vjeçares shqiptare që vdiq tragjikisht pasi ra në pishinën e një vile në Paxos pritet të dalin para gjyqtarit të Korfuzit mesditën e sotme.
Dy ditë më parë, prokurori ngriti një padi kundër tyre për ekspozimin e një të mituri në rrezik, ndërsa deklaratat e tyre që konsiderohen vendimtare për sqarimin e rrethanave të incidentit.
Dëshmitë e tyre pritet të japin përgjigje se si fëmija i shpëtoi mbikëqyrjes së prindërve dhe si arriti të udhëtonte afërsisht 200 metra, duke arritur në vilën fqinje me pishinë, ku u gjet e pajetë nga kuzhinieri i banesës.
Nga informacionet aktuale dyshohen dy skenarë të mundshëm: ose të gjithë anëtarët e familjes po flinin në kohën kur vajza e vogël doli nga shtëpia, ose vetëm babai po pushonte ndërsa nëna po bënte punët e shtëpisë, duke rezultuar në humbjen e vëmendjes.
Fëmija, i cili dyshohet se fillimisht po luante në dhomën e ndenjes, duket se ka dalë në lagje vetëm dhe ka ecur drejt vilës, ku më vonë u gjet në pishinë. Pyetjet thelbësore që po hetohen kanë të bëjnë me kohën kur vajza e vogël doli nga shtëpia dhe çfarë ndodhi në periudhën afërsisht 50-minutëshe – nga ora 16:00, kur familja kuptoi se ajo ishte zhdukur, deri në orën 16:50, kur u gjet e vdekur.
“Jam vërtet e shkatërruar. Policia mori burrin tim, fëmijën tim dhe dhëndrin tim për të shkuar në prokurori. Jam në shok, jam vetëm, jam gati të vdes”, tha gjyshja e 4-vjeçares për mediat greke.