Gjatë 24 orëve të fundit policia e Lushnjës, Divjakës dhe e Fierit kanë arrestuar dhe proceduar disa shtetas për vepra të ndryshme penale.
Specialistët e Sektorit për Hetimin e Krimeve të Komisariatit të Policisë Divjakë arrestuan shtetasin P. B., 25 vjeç, pasi ka thyer masën e sigurisë “Arrest në shtëpi”, thuhet në njoftimin e policisë.
Gjithashtu Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi penal për shtetasit:
-G. B., 51 vjeç, banues në Fier, pasi ka ushtruar dhunë ndaj bashkëshortes së tij, e cila u pajis me urdhër mbrojtjeje;
-E. K., 57 vjeç, banues në Fier, pasi ka kryer punime ndërtimi, pa leje.
Ndërkohë Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi penal për shtetasin M. K., 66 vjeç, banues në Lushnjë, pasi ka marrë disa orendi shtëpiake, nga banesa ku ka jetuar me qira, me pretendimin se janë të tijat.
Materialet procedurale iu referuan Prokurorisë së Fierit, për veprime të mëtejshme.