“Bllokim i përkohshëm për kamionët drejt Malit të Zi, Serbisë dhe Bosnjës”/ Dogana shqiptare: Të kufizohet qarkullimi i mjeteve të tonazhit të rëndë

Drejtoria e Përgjithshme e Doganave ka bërë me dije se do të ketë një kufizim të përkohshëm në qarkullimin në disa pika doganore drejt Mali i Zi, Serbi dhe Bosnjë dhe Hercegovinë.

Sipas njoftimit zyrtar, masa do të hyjë në fuqi nga data 14 deri më 16 prill dhe do të ketë si qëllim kufizimin e përkohshëm të qarkullimit të mjeteve të tonazhit të rëndë në këto drejtime.

Megjithatë, autoritetet kanë bërë të ditur se do të ketë përjashtim vetëm për transportin e mjeteve që transportojnë kafshë të gjalla, të cilat do të lejohen të qarkullojnë normalisht.